2025 оны 5-р сарын 28-ны өдөр Хэнтий аймгийн Нийгмийн даатгалын газрын даргын баталсан удирдамжийн дагуу хойд бүсийн Биндэр, Дадал, Өмнөдэлгэр сумдын нийгмийн даатгалын байцаагчид Баян-Адарга суманд ажиллалаа.
Ажлын хүрээнд нэг аж ахуйн нэгжид хяналт шалгалт хийж, иргэд, даатгуулагчдад:
-Нийгмийн даатгалын хууль тогтоомжийг сурталчлах,
-Үйлчилгээг газар дээр нь үзүүлэх,
-Тэтгэвэр, тэтгэмжийн талаарх зөвлөгөө мэдээлэл хүргэх,
-Иргэдийн санал хүсэлтийг хүлээн авах зэрэг ажлуудыг зохион байгууллаа.
Сургалтад 11 ажил олгогч, 53 иргэн, даатгуулагч хамрагдсан байна.
Уг арга хэмжээ нь нийгмийн даатгалын талаарх иргэдийн мэдлэгийг нэмэгдүүлж, үйлчилгээг ойртуулах зорилготой байлаа.