Байгууллагын тухай

ТҮҮХЭН ЗАМНАЛ

Хэлтсийн дарга нар

1974-1982 онд Л.Хээшиг

1982-1988 онд Д.Намсрай

1989 онд Г.Цулбуур

1989-1992 онд Ганболд

1993-2000 онд Д.Дашням

2000-2022 он Ц.Баярмаа

Анхны сумын нийгмийн даатгалын байцаагч:

Галшар сум Д.Алтангэрэл /1984-2005/

Жаргалтхаан сум Н.Баасанжав /1984-1989/

Дэлгэрхаан сум О.Нямсүрэн /1984-1987/

Цэнхэрмандал сум н.Доржнамжин /1984-1985/

Өмнөдэлгэр сум В.Цэвээндорж /1984-1985/

Баян-Адрага сум Л.Мижидсамдан /1984-2007/

Баян-овоо сум В.Цэвээндорж /1984-1985/

Биндэр Ч.Цэрэндулам /1984-1992/

Бидний бахархал

Хэлтсийн хамт олны дунд “Хөдөлмөрийн хүндэт медальтай” 3,

Нийгмийн хамгааллын болон Санхүү банкны тэргүүний ажилтан 10,

Нийгмийн даатгалын хүндэт ажилтан 12 ажиллаж байна.

ГАЗРЫН ТАНИЛЦУУЛГА

Хэнтий аймгийн Нийгмийн даатгалын хэлтэс нь анх МҮЭ-ийн Төв Зөвлөлийн Тэргүүлэгчдийн 1942.04.28-ны өдрийн 27-р хуралдааны тогтоолоор тус аймгийн Үйлдвэрчний Эвлэлийн Зөвлөлд Нийгмийг Аюулаас Хамгаалах хэлтэс нэртэйгээр байгуулагдаж нийгмийг аюулаас хамгаалах тухай дүрмийг хэрэгжүүлэн ажиллаж эхэлсэн бөгөөд 1960 оноос Нийгмийн даатгалын хэлтэс болгон зохион байгуулсан байна. Улсын нийгэм хангамжийн ажлыг төвлөрүүлэн зохион байгуулах тухай БНМАУ-ын Сайд нарын Зөвлөлийн 1974 оны 124-р тогтоолыг үндэслэн аймгийн АДХ-ын Гүйцэтгэх Захиргааны 1974.6.24-ний өдрийн 60-р захирамжаар Хөдөлмөр нийгэм хангамжийн хэлтсийг дарга, ня-бо, хөдөлмөрийн байцаагч 1, тэтгэврийн байцаагч 2 бүгд 5 орон тоотой байгуулж байжээ. 1974-1987 онд ХНХ-ийн хэлтэс, 1988-1990 онд Эрүүл мэнд нийгмийн хамгааллын газар, 1991- 1994 он дуустал ХНХ-ийн хэлтэс, Монгол улсын засгийн газрын 1994 оны 171-р тогтоолоор 1995 оноос Нийгмийн даатгалын хэлтэс нэртэй болон зохион байгуулагдаж улс орны нийгэм, эдийн засгийн хөгжил, эрхлэх ажил үйлчилгээний өсөлт, хамрах хүрээтэй уялдан нийгэм хангамж, нийгмийн даатгалын албаны бүтэц зохион байгуулалт боловсронгуй болон хөгжсөөр ирсэн.

Манай хамт олон нь орон нутагт “Нийгмийн даатгалын тухай хууль” тогтоомжийн хэрэгжилтийг хангуулан, сангийн орлогын эх үүсвэрийг тогтвортой бүрдүүлж хуримтлал бий болгох, иргэд, даатгуулагчидад ёс зүйтэй мэргэжлийн үйлчилгээг үзүүлэх замаар тэдний тэтгэвэр, тэтгэмж авах, хуульд заасан бусад эрхээ бүрэн эдлэх, үйлчилгээний таатай нөхцлийг бүрдүүлэх  эрхэм зорилгоо бүрэн биелүүлэн  ажиллаж байна..

Хэлтэс нь Үйлчилгээний тасаг, Санхүү бүртгэлийн тасаг, Хяналт шалгалт, дотоод аудитын тасаг, Бор-Өндөр суманд үйлчилгээний нэг тасагтай сумдад 23 байцаагч,  нийт 47 хүний бүрэлдхүүнтэй үйл ажиллагаа явуулж байгаагаас 85,7 хувь нь эмэгтэй, удирдах чиг үүрэг хэрэгжүүлэх албан тушаалд ажиллагсадын 98,6 хувь нь дээд боловсролтой 84,3 хувь нь ня-бо эдийн засагч мэргэжилтэй, магистр цолтой 2,  15 нь улсын байцаагчийн зэрэгтэй байна.

2021 онд Аймагтаа төрийн байгууллагуудаас анхны ISO 9001:2015 стандартад нийцсэн Чанарын менежментийн тогтолцоог  нэвтрүүлсэн.

“Эерэг хандлага-цахим үйлчилгээний хөгжүүлэлтийн жил”-ийн хүрээнд  Аж ахуйн нэгж байгууллагыг тоон гарын үсэгт шилжүүлж нийт ажил олгогчийн 92,5 хувь буюу 875 байгууллагыг хамруулсан.