Танд туслах хэрэглэгчийн лавлах

70562212 77771289
НүүрМэдээМэндчилгээ

Мэндчилгээ

 

Нийгмийн даатгалын байгууллага нь одоогоос 71 жилийн тэртээ буюу 1942 оны 4 дүгээр сарын 28-ны өдөр  байгуулагдан,  тулгын чулуугаа тулж, гал голомтоо бадрааж, бэхжиж хөгжсөөр  нийгмийн хамгааллын томоохон салбарын  нэг болжээ.

Монгол Улсын Засгийн газрын 2013 оны 120 дугаар тогтоолоор жил бүрийн 4 дүгээр сарын 28-ны өдрийг “Хүн амын хөгжил, нийгмийн хамгааллын салбарын ажилтны баярын өдөр” болгохоор  шийдвэрлэсэн билээ.

Нийгмийн хамгааллын бүрэлдэхүүн хэсэг болох нийгмийн даатгалын алба байгуулагдсан энэ цаг үеэс хойш нийгмийн өөрчлөлт, шинэчлэлт, нөхцөл байдалтай уялдан  хөгжиж, өргөжин тэлж ирсэн  түүхэн уламжлалтай байгууллага билээ.

Эрхэм хүндэттэй энэхүү баярын өдрийг тохиолдуулан Нийгмийн даатгалын салбарын нийт ажилтан, албан хаагчид, ахмадууд  болон харилцагч ажил олгогч, даатгуулагч, үйлчлүүлэгч  Та бүхэндээ Нийгмийн даатгалын ерөнхий газрын нэрийн өмнөөс болон хувиасаа чин сэтгэлийн халуун мэндчилгээг өргөн дэвшүүлье.

2012 онд Нийгмийн даатгалын салбарын хэмжээнд “Нийгмийн даатгалын тогтолцооны шинэчлэл” Үндэсний чуулганыг  хийж, Нийгмийн даатгалын хөгжлийн чиг хандлагыг тодорхойллоо.

Нийгмийн даатгалын 5 төрлийн санд 685.5 тэрбум төгрөгийн орлого төвлөрүүлэхээс 750.4 тэрбум төгрөгийн орлого бүрдүүлэн 2012 оны орлогын төлөвлөгөөг 109.5 хувиар биелүүллээ.

Нийгмийн даатгалын сангуудаас 2012 онд  899.3  тэрбум төгрөгийн тэтгэвэр, тэтгэмжийн болон  төлбөр, тусламж, үйлчилгээний зардлыг иргэд, даатгуулагчдад  олгож, нийгмийн даатгалын үйлчилгээ үзүүллээ.

Нийгмийн даатгалын салбарын хэмжээнд 2013 оныг Нийгмийн даатгалын үйлчилгээний маркетингийг хөгжүүлэх жил” болгон иргэд, даатгуулагч Та бүхэндээ ажил үйлчилгээгээ илүү чанартай, шуурхай хүргэж, эх орныхоо хөгжил  цэцэглэлтэд өнөөгийнхөөсөө илүү их хувь нэмэр оруулна гэдэгт итгэл төгс байна.

Монгол орны өнцөг булан бүрд ажиллаж байгаа нийгмийн даатгалын байгууллагын ажилтнууддаа ажлын амжилт, сайн сайхны ерөөл өргөн дэвшүүлье.

Сайн үйлс дэлгэрэх болтугай

 

 

НИЙГМИЙН ДААТГАЛЫН ЕРӨНХИЙ

ГАЗРЫН ДАРГА                    Ц.УРТНАСАН